جس طرف دیکھوں تو دکھائی دے اپنے عرفاں سے آشنائی دے

جس طرف دیکھوں تو دکھائی دے اپنے عرفاں سے آشنائی دے

انجم رحمانی


جس طرف دیکھوں تو دکھائی دے
اپنے عرفاں سے آشنائی دے
خود کو تو مجھ پہ منکشف کردے
پھر مجھے نقشِ خود نمائی دے
مجھ کو سکھلا دے حرف کی حرمت
فکر کو ذوقِ ارتقائی دے
چھین لے مجھ سے میری بینائی
یا مجھے تو ہی تو دکھائی دے
حسنِ منظر تو کھل گئے مجھ پر
تیری آواز بھی سنائی دے
رشک آئے مجھے بھی قسمت پر
دے مجھے نسبتِ گدائی دے
کشتِ ہستی بہارِ صورت ہو
موسمِ کرب آشنائی دے
بٹ گیا ہوں ہزار چہرں میں
حسنِ یکتا مجھے اکائی دے
درد لکھنے کا فن عطا کردے
زندہ لفظوں سے آشنائی دے

ایک تبصرہ شائع کریں

0 تبصرے