سلام بحضورِ سرورِ کائنات فخرِ موجودات احمدِ مجتبٰی حضرت محمدمصطفٰی ﷺ

سلام بحضورِ سرورِ کائنات فخرِ موجودات احمدِ مجتبٰی حضرت محمدمصطفٰی ﷺ

سلام بحضورِ سرورِ کائنات فخرِ موجودات احمدِ مجتبٰی حضرت محمدمصطفٰی ﷺ


رحمت الٰہی برقؔ اعظمی مرحوم
دین و دنیا کے سرور پہ لاکھوں سلام
کملی والے پیمبر پہ لاکھوں سلام
شمعِ بزمِ ھدٰی سید الانبیاﷺ
شافعِ روزِ محشر پہ لاکھوں سلام
مرکزِ چشمِ اُمیدِ تشنہ لباں
ساقیٔ حوضِ کوثر پہ لاکھوں سلام
جس کی زلفوں کی کھائی خدا نے قسم
اُس کی زلفِ مُعنبر پہ لاکھوں سلام
جس کے صدقے میں ایماں کی دولت ملی
اُس پہ اور اُس کے گھر بھر پہ لاکھوں سلام
جس کا سایہ تھا گُم کثرتِ نور میں
اُس کے جسمِ منور پہ لاکھوں سلام
جس کی تصدیق کی سنگریزوں نے بھی
ایسے محبوبِ داور پہ لاکھوں سلام
شمعِ غارِ حرا مہرِ اوجِ صفا
زیبِ مہراب و منبر پہ لاکھوں سلام
جس کو اے برقؔ معراج حاصل ہوئی
اُس کے اوجِ مقدر پہ لاکھوں سلام

ایک تبصرہ شائع کریں

0 تبصرے