Mere Peeche Pari Hai Har tabahi Ya Rasool Allah > Naat > Muneer Saifi

میرے پیچھے پڑی ہے ہر تباہی یا رسول اللہ

جہاں جاؤں وہیں ہے بے پناہی یا رسول اللہ

مجھے لے ڈوبی دنیا کی ادا ہی یا رسول اللہ

بہت روشن ہے میری روسیاہی یا رسول اللہ

گنہگاروں کا تو سب سے بڑا سردار میں ہی ہوں

کیا کرتا ہوں ان کی سربراہی یا رسول اللہ

میں سر سے پاؤں تک ڈوبا ہوا ہوں بحرِ عصیاں میں

بنی دنیا ہی اتنی خوش نما ہی یا رسول اللہ

شجر سے گرکے برگِ خشک اڑتا ہے خلاؤں میں

مخالف ہے جو دنیا کی ہوا ہی یا رسول اللہ

مریضِ ہجر ہے کہ دن بہ دن گھلتا ہی جاتا ہے

دوا کچھ کام آئی نہ دعا ہی یا رسول اللہ

بتا دیجے کہ در سے اٹھ کے جاؤں تو کہاں جاؤں

جگت میں ہے یزیدی بادشاہی یا رسول اللہ

سگِ ہندوستاں جو آپ کی دہلی میں بیٹھا ہے

اسے دے دیجئے کچھ آسرا ہی یا رسول اللہ

کہے ہے جمرۂ عقبہ بھی اب سیفیؔ منافق ہے

کب افشا ہوگی میری بے گناہی یا رسول اللہ

منیر سیفی

Mere Peeche Pari Hai Har tabahi Ya Rasool Allah > Naat > Muneer Saifi