Yeh Sarwari Hai Bhala Kya Sikandari Kya Hai

Yeh Sarwari Hai Bhala Kya Sikandari Kya Hai
Dare Nabi Ka Gada Hun Mujhe Kami Kya Hai

Fida Naho Jo Nabi Pe Woh Ummati Kya Hai
Jo Geet Gaye Na Unke Woh Admi Kya Hai

Dare Rasool Pe Le Chal Junoone Ishq Mujhe
Baghair Aqa Ke Guzrey Woh Zindagi Kya Hai

Tarap Raha Hai Jo Roze Ki Haazri Ke Liye
Usi Gharib Se Pucho Ke Be Basi Kya Hai

Nabi Ki Shaan-e-karimi Na Maan Ne Walon
Mujhe Bas Itna Bata Do Ke Kaafri Kya Hai

Bara Karam Hai Niyazi Madiney Wale Ka
Karam Na Ho Jo Nabi Ka Woh Zindagi Kya Hai