Sad Shukr Phir Hai Mujh Pe Ye Fazle Khuda Ho > Hamd > Tanweer Phool

Sad Shukr Phir Hai Mujh Pe Ye Fazle Khuda Ho > Hamd > Tanweer Phool

       حمدِ باری تعالیٰ

 صد شکر  !  پھر ہے مجھ پہ  یہ فضلِ خدا  ہُوا

کج مج زباں سے  حمد  میں  نغمہ سرا   ہُوا  
    مانگی  دعا  جو  رب سے  ،نہیں رائیگاں گئی
 دل سے  پُکارا  اُس کو  تو   میرا  بھلا ہُوا   ۱؎  
روزِ ’الست‘ اُس  کو  دیا  تھا ’  بلیٰ‘جواب
’رہتا ہے میرے دل میں،نظر سے جدا  ہُوا‘     
   قرآں میں دیکھو،اس میں’فَسَبّح‘ کا  امر ہے
اور  حمدِ رب کا  اس میں ہے فرماںملا ہُوا  ۲؎   
حمدِ  خدا کروں کہ میں نعتِ نبی ﷺ کہوں
لگتا  ہے  یہ   سروش  مِرا  ہم  نوا   ہُوا      
  دیکھا  ہے بزمِ ِحمد میںجو بھی  ہُوا  شریک 
حمد خدا   کے  نور  سے  دل پُر ضیا   ہُوا   ۳؎
 اللہ  نے  کہا  ہے’’اطیعواالرسولؐ‘‘  بھی
رب اُس کے ساتھ،شاہ  ؐسے جو  باوفا ہُوا   
   ’’لا تقنطوا‘‘ کہا ہے  غفورالرحیم  نے  ۴؎
آنکھوںمیںاشک آئے،درِ لطف  وا  ہُوا 
بچے کی پیاس دیکھ کے دوڑیں وہ سات بار
تب  ہاجرہ  ؑ کو  چشمہ  ء  زم زم عطا  ہُوا      
   اُس کی نشانیاںہیں  یہ شمس  و  قمر،  نجوم
 گلشن میں دیکھ پھولؔ ! ہے غنچہ  کھِلا  ہُوا  
   ٭تنویر پھولؔ  (امریکا)
         ۱؎  حضور ﷺنے فرمایا کہ دعا کی قبولیت کی تین صورتیں ہیں :  وہی مل جائے ، اُس کابدل مل جائے یا نامہ ء اعمال میںدعا مانگنے کا  اجر لکھ ا                                                                                        ۔                                                          جائے ۔  آپ ﷺ نے مزید فرمایا کہ جب قیامت میںدعا کا  اجر ملے گا تو ہر شخص یہ تمنا کرے گا کہ کاش!دنیا میں اُس کی  کوئی دعا
                                                                                                 قبول  نہ ہوئی  ہوتی  ۔          ۲؎   سورۃ  النصر  ،   آیت  نمبر  ۳   ۔        ۳؎   سورۃ التغابن  ،  آیت  نمبر  ۱۲  
                                                                                                                                     ۴؎  سورۃ الزمر  ،  آیت  نمبر  ۵۳                       

ایک تبصرہ شائع کریں

0 تبصرے