Zaban Ijz Par Jab Bhi Dorood aaya salam aaya > Mukhtar Ahmed Kousar

Zaban Ijz Par Jab Bhi Dorood aaya salam aaya > Mukhtar Ahmed Kousar

زبانِ عجز پر جب بھی درود آیا سلام آیا
مدینہ سے عطّیہ برکتوں کا میرے نام آیا
رسولِ پاک ہی تفسیر ہیںاِن تیس پاروں کی
کہ اس قرآن کے اندر حیاتی اک نظام آیا
دہکتی ریت سے اُٹھتی کراہیں یہ بتاتی ہیں
کہ آقا کی غلامی میں ’بلال‘ ایسا غلام آیا
مرے اُمّی لقب آقا مخالف تو کئی آئے
مگر وہ فکر و ذکر آیا‘نہ وہ طرزِ کلام آیا
ابو بکرو عمر فاروق ‘عثمان و علی حیدر
نبی کے بعد بالترتیب ان چاروں کا نام آیا
کہا اقبالؔ نے کیا خوب مصرع ہم مسلماںپر
’’کہ ناداں گر گئے سجدے میں جب وقتِ قیام آیا‘‘ 
محمدؐ کی غلامی سے ہوا قابو میں امّارہ
بڑی مشکل سے کوثر ؔ باز دل کا زیر دام آیا


مختار احمد کوثر

C-66کریلی الہ آباد

ایک تبصرہ شائع کریں

0 تبصرے