Ya Rab mere dil me hain tamanna e Madina
In aankho se dikhla mujhe sehraa e Madinah
Nikle na kabhi dil se tamanna e Madinah
Zar me rahe Ya Rab mere sodha e Madinah
Aisa meri nazro me samaa jaaye Madinah
Jab aankh uthaoo to nazar aaye Madinah
Phirte hain yahaan sindh me hum be sar o saamaan
Taiba me bulalo hume Aaqa e Madinah
Is dar ke hain mushtaq e ziyaarat meri aankhe
Dil se ye nikalti hain sada haaye Madinah
Yaad aata hain jab Roza e Purnoor ka Gumbad
Dil se ye nikalti hain sada haaye Madinah
Main wajd ke ‘aalam me karu chaak ghareebaan
Aankho ke mere saamne jab aaye Madinah
Quran qasam khaata na us shehr ki har giz
Gar hota na wo gul chaman aaraa e Madinah
Kyun gor ka khatka ho, qiyamat ka ho kya ghum
Shedaa e Madinah hoon mein Shedaa e Madina
Bulwaake Madine me Jameel e Razavi ko
Sag apna banaa lo isse Maula e Madina
0 تبصرے