دینِ حق کے پاسباں ہیں اہلبیتِ مصطفیﷺ - JAHAN-E-NAATجہان نعت Naat World

Breaking

دینِ حق کے پاسباں ہیں اہلبیتِ مصطفیﷺ

بحضور امام عالی مقام
شاعر حمدو نعت طاہرؔ سلطانی



دینِ حق کے پاسباں ہیں اہلبیتِ مصطفیﷺ
ہم زمیں تو آسماں ہیں اہلبیتِ مصطفیﷺ


روشنیٔ حق نشاں ہیں اہلبیتِ مصطفیﷺ
منزلِ شیشہ گراں ہیں اہلبیتِ مصطفیﷺ


کربلا کی خاک پر لکھی گئی جو خون سے
وہ مہکتی داستاں ہیں اہلبیتِ مصطفیﷺ


دیں کی خاطر کربلا والوں نے جاں قربان کی
بے گماں حق کا نشاں ہیں اہلبیتِ مصطفیﷺ


ظالم و فاسق کی بیعت کس طرح کرتے بھلا
حق پرستی کی اذاں ہیں اہلبیتِ مصطفیﷺ


شانِ اہلبیت میں ہے مصحفِ ربّ خود گواہ
روشنیٔ بے کراں ہیں اہلبیتِ مصطفیﷺ


اک امامِ پاک تھے اُن کے بہتّر جانثار
ہر عمل سے ضوفشاں ہیں اہلبیتِ مصطفیﷺ


بعدِ جنگِ کربلا اے بی بی زینبؓ آپ کی
سربراہی میں رواں ہیں اہلبیتِ مصطفیﷺ


کوفیوں پر نوعِ انساں کی ہے لعنت رات دن
فضلِ رب سے کامراں ہیں اہلبیتِ مصطفیﷺ


طاہرِؔسلطانی ہم بھی ہیں غلامِ اہلبیت
بے گماں درسِ اماں ہیں اہلبیتِ مصطفیﷺ

No comments:

Post a comment

Recent

copyright @ maqbooliya.com WafaSoft | Website UnderTaken By WafaSoft