اے نیّرِ حق ہم دکھیوں کی قسمت کا ستارہ چمکانا
شاہوں کی جہاںجھکتی ہے جبیں اس در پہ ہمیں بھی بلوانا
ہم اہل وفا ہیں اہل وفا احسان نہ اُن کا بھولیں گے
اُمّت کی شفاعت کی خاطر اشکوں کے گہر کا چھلکانا
سرکار کی جیسی کیا کوئی تعظیم کرے گا عورت کا
اُٹھ جانا حلیمہؔ کی خاطر دستار بچھانا بیٹھانا
کرتا ہے خدا جن کی مدحت توصیف کرے کیا اُن کی کوئی
سرکارِ دو عالم کا رتبہ دنیا میں بھلا کس نے جانا
مدَّاح تمھارے ہیں آقا ‘ محشر میں کرم اتنا کرنا
ہم تشنہ دہن کے ہونٹوں پر کچھ قطرۂ کوثر ٹپکانا
یہ طرزِ ادااس کی انورؔ بے شک ہے پسند اللہ کو بھی
لکھتے لکھتے نعت ِ اقدس سجدے میں قلم کا گرجانا
فہیم انور
11,Seal Bustee 2nd Bye lane
Dist:Howrah,711102(W.B)
0 تبصرے