نُورِ مُبیں ہیں آپؐ سراپا رسولِ پاکؐ
قرآن آپؐ کا ہے قصیدہ رسولِ پاکؐ
ارفع ہے کس قدر شبِ اسریٰ رسولِ پاکؐ
دیکھا خدا کاآپ نے جلوہ رسولِ پاکؐ
رِطبْ اللسان گُزرے ‘کئی نعت گو مگر
سیرت کا کر سکا نہ احاطہ رسولِ پاکؐ
دُرِّ یتیم آپؐ سہارے یتیم کے
بے کس پناہ، ملجا و ماویٰ رسولِ پاکؐ
آئے ہیں یوں تو لاکھوں نبی اس جہان میں
’’کوئی نہیں ہے آپ کے جیسا رسولِ پاکؐ‘‘
اس بندۂ قدیر ؔ کی ہے آرزو یہی
چومے نظر سے آپ کا روضہ رسولِ پاک
قدیر احمد قدیرؔ
Naved mnzil,Krishna Colony,Hulkoti,582205
0 تبصرے