مرے اللہ ایسا مقدّر ہو جائے
بند آنکھیں جو کروں طیبہ کا منظر ہو جائے
جو انؐ کے نام کی خوشبو ہے مری سانسوں میں
کاش آقا کو مرے دل کی خبر ہو جائے
اس کی آنکھوں کی بصیرت میں کمی ہوتی نہیں
گنبدِ خضریٰ پہ جس کی بھی نظر ہو جائے
گھر سے نکلا ہوں میں صل علیٰ پڑھتے ہوئے
میری آنکھوں میں گھٹا کوئی سحر ہو جائے
ایسی قسمت مرے اللہ بنادے تو مری
شب ہو مکّے میں تو طیبہ میں سحر ہو جائے
میرے مولا مرے اعمال بنا دے ایسے
لب سے جو نکلے دعا پوری ظفرؔ ہو جائے
ظفر اقبال ظفر
170,Kheldar-Fatehpur,(U.P)
0 تبصرے