مرے رب یہی ہے مری دعا مرے دل کوایسا ہو غم عطا

مرے رب یہی ہے مری دعا مرے دل کوایسا ہو غم عطا

واصل عثمانی


مرے رب یہی ہے مری دعا
مرے دل کوایسا ہو غم عطا
ملے جس کے فیض سے یہ صلا


جو دبی ہے آگ لہک اٹھے
مری جاں کا شعلہ دہک اٹھے
مرے غم کا چہرہ چمک اٹھے
مرا زخمِ دل بھی مہک اٹھے
مرے رب یہی ہے مری دعا


مری شب کو اِذنِ سحر ملے
مجھے نور قلب و نظر ملے
مرے آنسوئوں میں شرر ملے
مری ہر دعا کو اثر ملے
مرے رب یہی ہے مری دعا
مرے دل ک ایسا ہو غم عطا

ایک تبصرہ شائع کریں

0 تبصرے