ہے ترا ہر ذرے پہ احسان رب العالمین کیا بیاں ہم سے ہو تیری شان رب العالمین

ہے ترا ہر ذرے پہ احسان رب العالمین کیا بیاں ہم سے ہو تیری شان رب العالمین

رحمت اللہ راشد احمدآبادی


ہے ترا ہر ذرے پہ احسان رب العالمین
کیا بیاں ہم سے ہو تیری شان رب العالمین


سرخرو ہوجائے ہر انسان رب العالمین
کر عطا ہر ایک کو ایمان رب العالمین


ساری خلقت آج بھی بے بس ہے تیرے سامنے
تیرے قبضے میں ہے سب کی جان رب العالمین


ذکر ہر مخلوق کرتی ہے ترا شام و سحر
لہر ہو دریا کی یا طوفان رب العالمین


سارا عالم ساری دنیا تیرے ہی قبضے میں ہے
ہے ترا قرآں میں یہ اعلان رب العالمین


اک اشارے پر ترے پیارے خلیل اللہ نے
کردیا بیٹے کو بھی قربان رب العالمین


جب بھی ٹوٹے تیرے راشد پہ مصیبت کے پہاڑ
کردیا تونے انہیں آسان رب العالمین

Post a comment

0 Comments