دھرتی، سورج، آسماں، مہتابِ معمور ہر شئے میں موجود ہے، اُس خالق کا نور

دوہا حمد(

ابرارؔکرت پوری)

دھرتی، سورج، آسماں، مہتابِ معمور
ہر شئے میں موجود ہے، اُس خالق کا نور
مطلق قادر ہے خدا، برتر اس کی بات
وہ مالک مختار ہے اور انساں مجبور
داتا ہے خالق مرا، راحم اُس کی ذات
شفقت اس کا فضل ہے، رحمت ہے دستور
رحمت اُس کی ہر نفس، راحت اُس کی دین
بندہ تو ممنون ہے، وہ مالک مشکور
سیرت ہے سرکار کی تفسیرِ آیات
قرآنِ مسعود ہے جیون کا منشور
کرتا رہ اُس کی ثنا، شام، سحر، دن رات
ہو بندے اللہ کی رحمت میں محصور
اے ابرار کم تریں! یہ بھی ہے اعزاز
کہتا رہ حمدِ خدا، جتنا ہے مقدور