تیری ذاتِ پاک کا، جنہیں نہیں اقرار یہ سچ ہے اے لم یزل! وہ سب ہیں کفّار

دوہا حمد ( ابرارؔکرت پوری)

تیری ذاتِ پاک کا، جنہیں نہیں اقرار
یہ سچ ہے اے لم یزل! وہ سب ہیں کفّار
رب کے منکر سے ذرا، پوچھو تو اک بار
کس کی ذاتِ پاک سے اُس کو ہے انکار
ایمانِ ابرار ہے، اے ربِّ غفّار
تو کرتا ہے ہر گھڑی سب کی نیّا پار
تو ہی اَحد ہے اے صمد، کون ترے ماں باپ
کب تیری اولاد ہے، جگ کے پالنہار
خالق ہے کونین کا، تیری ذات عظیم
لفظِ کن کا ہے ترے، کل عالم اظہار
کرم ترا بے انت ہے، رحماں ہے، لیکن
منصف بھی، قہّار بھی، ہے تو اے ستّار
گھور اندھیرا، روشنی، روشن سب دن رات
تیری ہر تخلیق ہے اے صانع شہکار