جھُکاتا کیا نہ جو سجدے کے قابل میرا سر ہوتا

طرحی نعت

بزم فیضان ِ رضا کا طرحی مشاعرہ بیاد ڈاکٹر جمیل عظیم آبادی اتوار ۱۱ نومبر ۲۰۱۲؁ء

ع ؎
’نہ آتے آپﷺ تو عالم باندازِ دِگر ہوتاُ

جھُکاتا کیا نہ جو سجدے کے قابل میرا سر ہوتا
مگر واحسرتا! پیش ِ نظر وہ سنگ ِ دَر ہوتا

مدینے جانے کی حسرت چھپا کر دل میں رکھتا کیوں
مُیسر گر در طیبہ کا مجھ کو نامہ بر ہوتا

قدم مکّے میں رکھتا اور آنکھوں کو مدینے میں
تمنّا دل میں ہے پورا جو امکان ِ سفر ہوتا

تصّور میں سہی اُس آستاں کو چومنا تیرا
تری تسکین کا سامان کیوں کر چشم ِ تر ہوتا

انہی کے نور سے یہ نوع ِ انسانی منّور ہے
’نہ آتے آپ تو عالم بانداز ِ دگر ہوتا‘
بانداز ِ دگر جو نعت کے اشعار لکھّے ہیں بغیر اِذن و عطا کیا ہاشمیؔ،ان میں اثر ہوتا!؟
سیدانورجاویدہاشمی،کراچی