خیالِ مصطفیٰ دل سے نہ اک پل بھی جدا ہوگا
زباں پر ہرگھڑی نامِ محمد مصطفیٰ ہوگا
ہوا ہے آپ سا کوئی نہ ہوگا دوسرا کوئی
بروزِ حشر بس اک آپ کا ہی آسرا ہوگا
مدینے میں مجھے بھی یا رسول اللہ بلا لیجے
وہاں ہرہر قدم پر ایک اک سجدہ ادا ہوگا
زباں پر یا محمد کی رہے گی رٹ ہمیشہ ہی
بوقتِ نزع ہونٹوں پر مرے صلِّ علیٰ ہوگا
بیاں عظمت محمد کی کروں میں کس طرح حسرتؔ
مرے الفاظ سے کیسے بھلا یہ حق ادا ہوگا
محسن باعشن حسرت
۴؍پرنسپ اسٹریٹ۔سکنڈ فلور۔کولکاتا۔۷۲
0 تبصرے