اے دو جہاں کے مالک تو ہی ہے رب ہمارا تیرے سوا نہیں ہے کوئی بھی رب ہمارا

عرفانؔ پربھنوی

اے دو جہاں کے مالک تو ہی ہے رب ہمارا
تیرے سوا نہیں ہے کوئی بھی رب ہمارا
تیری ہی میرے مولا کرتے ہیں ہم عبادت
تجھ ہی سے مانگتے ہیں ہر وقت استعانت
روزِ جزا کا تو ہی مالک ہے میرے مولا
دونوں جہاں کا تو ہی خالق ہے میرے مولا
تونے ہی آسماں سے پانی کو ہے گرایا
تونے زمیں پہ مولا فصلوں کو ہے اگایا
تونے ہی چاند سورج‘ تاروں کو ہے بنایا
تونے ہی آسماں کو تاروں سے ہے سجایا
توہی کھلانے والا توہی پلانے والا
تو ہی ہے مارنے اور توہی جلانے والا
حمدو ثنا کے لائق تو ہی ہے میر ے مولا
عرفانؔ کی بھی سن لے یہ حمدمیرے مولا