شہ رگ سے بھی قریب تر، ذہن رسا سے دور تو توصیف تیری کرسکوں اتنا تو دے شعور تو

خواجہ منظر حسن منظرؔ (کراچی)

شہ رگ سے بھی قریب تر، ذہن رسا سے دور تو
توصیف تیری کرسکوں اتنا تو دے شعور تو

اپنی تجلیات کو تونے کیا ہے واشگاف
مہماں نواز عرش تو، جلوہ نمائے طور تو

تنویر میں نہاں بھی ہے تخلیق سے عیاں بھی ہے
مائل احتجاب تو، مصدرِ صد ظہور تو

مہر و مہ نجوم ہوں آتش وابر و باد ہوں
صانع کہکشاں ہے تو، خالق نار و نور تو

تجھ سے حیات کی نمو، تجھ سے نمودِ رنگ بو
پروردگار انس و جاں رازق ماہ و مور تو

منظرؔ خطا سرشت ہے منظر گناہگار ہے
داد رس و رحیم تو، بخشذہ و غفور تو