Momino khushiyan manao Kamli wala aa gaya

Momino khushiyan manao Kamli wala (salla Llahu ‘alayhi wa sallam) aa gaya
Rab-e-Sallim gun gunaaon, Kamli wala aa gaya

Chehra-e-wal fajr sey aur gaysu ey wal-layl sey
Dil ko aa’inah banaao, Kamli wala aa gaya

Jhuk geyaa sajdey main baytullah bhi ta’zeem ko
Ab diyey dil key jalaao, Kamli wala aa gaya

Godi mein ley kar Halimah Sa’diyah ney yun kahaa
‘Azmaton key geet gaao, Kamli wala aa gaya

Jashn-e-milaad-un-Nabi main un key zikr-e-paak sey
Najdion par qehr dhaao, Kamli wala aa gaya

Chaand sooraj aur sitaaro kehkashaan ard-o-falak
Roshni apni barhaao, Kamli wala aa gaya