چلے جس راہ پہ صحرا بنے گلزار دیکھیں گے

نعت
ڈاکٹر یوسف صابرؔ
Mob.09326772575

چلے جس راہ پہ صحرا بنے گلزار دیکھیں گے
نبیؐ کے چاہنے والے نبیؐ کا پیار دیکھیں گے

مدینہ جا کے ہم بھی جلوہِ انوار دیکھیں گے
دکھائے گا خدا تو روضہ سرکارؐ دیکھیں گے

مہکتے گل خوشی سے جھومتے اشجار دیکھیں گے
مدینے کی سبھی گلیاں سبھی بازار دیکھیں گے

بدلتا ہے سماں کیسے مچل جاتی ہے جاں کیسی
سنا کر محفلوں میں نعتیہ اشعار دیکھیں گے

اگر ذکر نبیؐ کی ہر گھڑی عادت بنا لیں ہم
سکوں محسوس ہوتا قلب کو ہر بار دیکھیں گے

نبوتؐ جس جگہ حاصل ہوئی پیارے محمدؐ کو
ملے موقع تو جا کر اُس حرا کا غار دیکھیں گے

خوشی سے کیسی ہوگی اپنی حالت اُس گھڑی صابرؔ
ہوا ہم کو محمدؐ کا اگر دیدار دیکھیں گے
Prof. Khan Yousuf Saber
LUNAR Housing Society, N-12
Plot No.2616, CIDCO
Rauze Bagh, Aurangabad-431001.(MS)