نعت رسول صلی اللہ تعالیٰ علیہ و آلہ وسلم
آپ ﷺ بے شک تاجدارِ مرسلاں
آپ ﷺ سا کوئی پیمبر ؑ ہے کہاں
صاحبِ معراج ہیں شاہِ اُمم ﷺ
دھول ہے پائے نبی ﷺ کی کہکشاں
۱؎ ’کُنتُ کنزاََ مخفیا‘ رب نے کہا
آپ ﷺ کی تخلیق سرّ ِ کن فکاں
مٹ گئی باطل کی ظلمت سر بسر
آپ ﷺ کی ہستی چراغِ ضو فشاں ۲؎
آپ ﷺ سے ہے ابتدائے کائنات
آپ ﷺ نورِ اوّلیں ہیں بے گماں ۳؎
۴؎آیتِ قرآں سے یہ ثابت ہُوا
مسلمِ اوّل ہیں شاہِ انس و جاں ﷺ
آپ ﷺ گویا آگئے دل کے قریں
جب بھی آنکھوں سے ہوئے آنسو رواں
بے سہاروں کو سہارا مل گیا
آپ ﷺ ہی ہیں دستگیرِ بے کساں
عبدِ کامل آپ ﷺ ہیں اللہ کے
آپ ﷺ کا خالق بڑا ہے مہرباں
سب نمازوں کے لئے لازم درود
اسمِ سرور ﷺ شاملِ صوتِ اذاں
رحمت للعالمیں ﷺ ! چشمِ کرم
پھولؔ کی سن لیجئے آہ و فغاں
٭تنویر پھولؔ (امریکا)
۱؎ ’’میں ایک پوشیدہ خزانہ تھا،میں نے چاہا کہ پہچانا جائوں اس لئے انسان کی تخلیق کیــ‘‘( فرمانِ رب در حدیث قدسی) ۔ ۔ ۲؎ ’’ سراجا مّنیرا‘‘ یعنی روشن چراغ ( سورۃ الاحزاب ، آیت نمبر ۴۶ )۔ ۳؎ ’’اوّل ما خلق اللہ نوری‘‘( اللہ نے سب
سے پہلے میرا نور پیدا کیا) فرمانِ رسول ﷺ ۔ ۴؎ سورۃ الانعام ، آیت نمبر ۱۶۳
0 تبصرے