Rakh Jis Rab Ka Tu Ho Ja Shamshi Qureshi

رکھ جبیں رب کا تو ہوجا رَبّی الْاعلیٰ کے ساتھ

کثرتِ صلِّ علیٰ سے جُڑ شہِ بطحا کے ساتھ

آحریمِ ناز میں آدیدۂ بینا کے ساتھ

کر نظارہ جلوۂ حق کا رُخِ زیبا کے ساتھ

حُسنِ مہ صدقہ ہے صدقہ حُسنِ آقا کا مرے

چاند کو کیا رکھ کے دیکھوں میں رُخِ زیبا کے ساتھ

آمنہ کا بدرِ کامل اور صحابہ کا ہجوم

چرخ سے اک چانداُترا فرش پر ہالہ کے ساتھ

مستقل ایذا رسانی‘ گالیاں پھر بھی دعا

اللہ اللہ آپ کا حُسنِ عمل اعدا کے ساتھ

گُم ہوں شمسی ؔ عالمِ مدحِ نبی میں ہر نفس 

رہ کے بھی دنیا میں‘ میںرہتا نہیں دنیا کے ساتھ

شمسی قریشی

Moh:Usmanpur,Post,Jlalpur

Dist,Ambedkar(U,P)